Tagbilaran Diocese Website

CANONICAL POSSESSIONS OF THE CLERGY IN THEIR NEW PASTORAL RESPONSIBILITIES. Adunay dakong kausaban sa mga panagway sa atong mga kaparian sa atong diyosesis nga mangalagad sa nagkalainlaing mga parokya, quasi-parish, chaplaincies ug mga kaakohan sa buhatan sa atong diyosesis.
Gikataho na sa miaging duha ka mga hulad sa Bohol Chronicle ang mga nagkadaiyang kaakohang pastoral sa atong mga kaparian. Molungtad kini sulod sa unom ka mga tuig (2009-2015).
Karong umaabot nga Martes, Hunyo 2, himoon ang pagsusi sa mga libro sa mga parokya. Himoon kini sa buntag uban sa mga kawani sa matag parokya sulod sa buhatan sa Chancery sa Diyosesis. Sa alas 2:00 sa hapon, saulogon ang usa ka liturhikanhong kasaulogan (Santos nga Misa) nga pangulohan ni Obispo Leonardo S. Medroso, D.D. ug pagasalmotan sa tanang mga kaparian. Sulod sa maong kasaulogan himoon ang pagtunol sa opisyal nga mga papel sa pagtudlo, sa pagpanumpa, paglitok sa propesyon sa pagtuo ug ang opisyal nga pagdawat sa mga bag-ong pastoral nga kaakohan sa mga kaparian.
Ihatod ngadto sa Katedral ang daang pari o mga pari nga gikan sa ilang daang gialagaran nga parokya sa dili pa ang Misa. Sa pagkatapos sa Misa pagadawaton sa mga katawhan sa matag parokya ang bag-ong pari o mga kaparian nga madestino sa ilang parokya ug ubanan nilag hatod ngadto sa ilang parokya.
Didto sa mga parokya adunay liturhikanhong kasaulogan nga magatimaan sa pagsugod sa pagpangalagad sa maong mga nadestinong pari o mga kaparian nga pagasaulogon sa simbahan sa matag parokya.

Ipahibalo ra ang mga detalye niini sa matag parokya.

This entry was posted on Thursday, May 28th, 2009 at 8:18 pm and is filed under News and Updates.