Catechesis
December 19th, 2008(Disyembre 21, 2008 — Social Communications) Ania na kita sa katapusang Domingo sa Adbiyento. Nagpasabot lamang kini nga haduol na gayod ang kasaulogan sa Pasko sa Pagkatawo.
Gani dinhi sa atong nasud, niining semanaha gipadayonan nato ang pagsaulog sa MISA DE AGUINALDO o MISA DE GALLO. Ang maong mga Misa gilarawan pinaagi sa mga pagbasa ang mga panghitabo nga nag-andam sa pagpakatawo ni Jesus, ang Mesiyas.
Ang espiritu sa maong mga kasaulogan nagpadayag na sa dakong kalipay. Madungog kini pinaagi sa mga tema sa pag-ampo ug tuno sa mga alawiton. Masud-ong kini sa mga dayandayan — mga belen, bitoon, sugang dagitabnon, Christmas trees, ug uban pa. Mabati kini sa mga kagahub sa pagmaya sa mga katawhan, paghinatagay sa mga gasa, pagpadala og mga pagtimbaya o yuletide greetings, pagbukas sa mga manaygonay, pag-andam sa mga lamiang pagkaon ug imnunon.
Apan dili gayod unta nato makalimtan nga ang labing dakong hinungdan niining tanan mao ang mahinangpong pagdawat kanato sa atong Manunubos, si JESUS!
Leave a Reply
You must be logged in to post a comment.