Diocesan Events(Sept. 14)
September 11th, 2008(Septiyembre 14, 2008 — Social Communications) PRIESTS’ ON-GOING FORMATION Karong umaabot nga Lunes ngadto sa Miyerkoles mao ang gitakdang binulan nga on-going formation sa atong mga kaparian.
Sugod sa alas 2:00 sa hapon sa Lunes mao ang pundok sa mga kaparian nga nagpangidaron ubos sa 60 anyos. Samtang sa alas 2:00 sa Martes sa hapon ipahan-ay ang panagtigum alang sa mga kaparian nga labaw sa 60 anyos.
Adto kini himoa sa Elijah Center of Spirituality nga nahimutang sa IHM Seminary Complex didto sa Taloto.
Usa kini ka matag bulan nga panggibuhaton sa atong mga kaparian nga gipangulohan ni Obispo Leonardo Y. Medroso, DD. ug sa Commission for the Clergy nga gipangulohan ni Padre Joel Ruyeras.
Giandam ang mga nagkalainlaing tema nga maoy dugokan sa dugang nga pagtuon alang sa atong mga kaparian ni Padre Aloy Cartajenas, STD, usa ka paring Bol-anon nga karon usa sa mga formators sa Seminario Mayor de San Carlos sa Sugbu.
Sa laing bahin ang hiniusang binulang miting alang sa tanang kaparian nga sakop sa Diyosesis sa Tagbilaran himoon sa alas 9:00 sa buntag sa adlawng Martes, Septiyembre 16, sa mao gihapong dapit.
Leave a Reply
You must be logged in to post a comment.