Ika-23 nga Domingo sa Tuig-B
October 24th, 2009Liturhikanhong Kahulogan
(Ika-23 nga Domingo sa Tuig-B)
Tema: GINOO, BUKSI ANG AMONG MGA DALUNGGAN UG MGA WAIT!
Nagpuyo kita sa panahon sa pagdaghan sa komunikasyon: anaay fax, E-mail, internet o web, ug uban pa. Sa maong panahon nasinati usab nato ang pagka-inusara ug pagka-mamingawon sa tawo. Unsay anaa sa mga tawo mao ang mga kasayuran o inpormasyon, ug unsay nawagtang gikan kanato mao ang mga personal nga relasyon. Dinhi sa kasaulogan sa Eukaristiya mag-ampo kita ngadto sa Ginoo, sa pagbukas sa atong mga dalunggan, nga kita makapaminaw pag-usab sa usag-usa ug sa Dios nga nakigsulti kanato. Makakat-on unta kita pag-usab sa pagkigsultihanay sa usag-usa.
UNANG PAGBASA
(Isaias 35:4-7a): Ang mga Dalunggan sa Bungol Pagabuksan.
Niadtong mga tawo nga bungol ug buta sa Dios, ang propeta mipahibalo sa kalipay sa kaluwasan: makakita ug makadunggog sila pag-usab.
IKADUHANG PAGBASA (Santiago 2:1-5):
Walay Pagpihigpihig! Ang Dios Nahigugma sa mga Kabos.
Usa ka pagbudhi sa katilingbang Kristohanon ang pagpasidungog sa mga dato ug ang pagsalikway sa mga kabos, matud pa ni Santiago. Ang Dios nahigugma sa mga kabos ug mihimo kanila nga mga adunahan sa pagtuo.
Leave a Reply
You must be logged in to post a comment.