(Ika-26 nga Domingo sa Tuig-B) National Seafarer’s Day
October 24th, 2009Liturhikanhong Kahulogan
(Ika-26 nga Domingo sa Tuig-B)
National Seafarer’s Day
Tema: ANG ESPIRITU ALANG SA TANAN
Pagkasayon kaayo ang pagduda kanato niadtong mga tawo nga lahi kanato, labi na niadtong mga nahisakop sa laing mga relihiyon. Siya mao ang Muslim, o Hudeo o Protestante – o langyaw. Alang sa pipila, o kaha sa kadaghanan, insakto na kini sa paglilong sa bisan unsang maayo nga iyang nabuhat. Ania si Jesus, kansang kasingkasing mipitik alang sa tanang katawhan, ug misulti siya kanato sa pagbukas sa atong mga hunahuna ug sa pag-ila sa tanang mga maayo nga anaa sa ubang mga katawhan, bisan kinsa ug unsa pa sila. Usa ra ang Espiritu nga nagpaluyo kanila ug kanato nga naghimo og mga maayo. Karong adlawa, atong tugotan nga ang Ginoo nga mobukas sa atong mga hunahuna.
UNANG PAGBASA
(Numero 11:25-29): Walay usa ka pundok nga maoy tag-iya sa mga gasa sa Dios. Ang Espiritu sa Dios midasig dili lamang kang Moises. Midasig usab kini sa uban. Ang mga gasa sa Dios molihok alang sa kaayohan sa tanan ug dili lamang sa pipila ka mga tawo.
IKADUHANG PAGBASA (Santiago 5:1-6): Usa ka Kaakohan ang pagkupot og mga Kabtangan.
Sa walay lipodlipod, si Santiago mipasidaan niadtong mga adunahan sa butang ug kaalam nga sa adlaw sa paghukom ang ilang mga kabtangan maoy mosaksi batok kanila kon kini wala ikatabang sa uban.
EBANGHELYO (Markos 9:38-43, 45, 47-48): Daygon ang Maayo nga Gibuhat sa Uban.
Leave a Reply
You must be logged in to post a comment.