Pahayagan sa GSK—BECs Clusters Mayo 31, 2009
May 28th, 2009Liturhikanhong Kahulogan
(Domingo sa Pentekostes, Tuig-B)
Tema: ANG ESPIRITU SA KABAG-OHAN
Adunay mga adlaw nga ang kinabuhi daw malaay alang kanato. Hilabihan sa pagbalikbalik, sum-ol nga buluhaton. Tingali mao usab kana ang pagtutok sa atong pagtuo. Walay hugyaw, puol, kapoy ug walay kalipay. Ang pangilin sa Pentekostes karong adlawa nagpahinumdum kanato: nga ang kinabuhi, labi na gayod ang kinabuhi sa pagtuo, maoy usa ka kahibulongang panghitabo. Salamat sa Espiritu ni Jesus nga buot mobag-o sa Simbahan ug sa tibuok kalibutan nga nahisama sa iyang gibuhat sa unang Pentekostes. Tugotan nato siya sa pagdala ngari kanato og kinabuhi nga adunay pagmaya ug kalinaw ug kalayo sa iyang gugma. Magpahuyop kita kaniya sa preskong hangin sa Ebanghelyo ug kinabuhi ni Jesus. Pangayoon nato gikan kang Jesus nga ania nakig-uban kanato sa Eyukaristiya nga buboan kita sa iyang makapabuhing Espiritu.
UNANG PAGBASA
(Buhat 2:1-11):
Makabungog nga banha, makusog nga bagyo, nagdilaab nga kalayo, mga lainlaing pinulongan—mao kini sila ang mga simbolo nga naglarawan sa unang Kristohanong Pentekostes. Kini nagtug-an kanato sa mga kabag-ohan nga nahitabo. Ang gahum sa Espiritu sa Ginoo miabot aron paghiusa sa mga nagkabulagbulag nga mga katawhan.
IKADUHANG PAGBASA
(taga Galatia 5:16-25):
Kon inagak kita sa Espiritu Santo, namatay kita sa sala uban kang Cristo, nabuhi kita alang sa gugma, kalipay ug sa tanan nga mga maayo.
Leave a Reply
You must be logged in to post a comment.