Pahayagan sa GSK—BECs Clusters Pebrero 22, 2009
February 26th, 2009Liturhikanhong Kahulogan
(Ika-Pito nga Domingo sa Tuig-B)
Tema: ANG INYONG MGA SALA GIPASAYLO
Adunay mga higayon nga makahibalag kitag mga tawo nga nahimong paralitiko gumikan sa ilang kagahapon. Ang pipila kanila mitalaw sa pagpakabuhi tungod kay dili sila makadawat sa mga sayop. Apan aduna usay buot mohatag og laing kahigayonan, apan adunay laing mga tawo nga naglibot kanila nga naglansang kanila sa ilang kagahapon ug dili buot nga mahatagan silag laing kahigayonan. Lahi ang Dios. Alang sa Ginoo, ang natapos na miagi na. Dili lamang kay siya nagpasaylo kondili nagpapas sa kaagi sa makasasala nga mahinulsulon. Bisan pa gani ang pagdapit ug paghatag og gahum sa pagbasol nagagikan sa Dios pinaagi ni Jesukristo. Ang buot niyang pahitabuon mao ang paghatag og bag-ong sinugdanan sa iyang mga katawhan. Atong saulogon niining Eyukaristiya ang kalipay ni Cristo sa pagpasaylo ug sa pagpabangon sa gugma. Mobarog kita gikan sa atong makalipong nga mga kahadlok ug mouban kaniya sa paglakang agi sa mga dalan sa paglaum ug paghigugma.
UNANG PAGBASA (Isaias 43:18-19, 21-22, 24b-25)
Ang Dios dili buot nga magpuyo kita sa mga kasaypanan sa atong kagahapon. Buot siya nga mopadayon kita uban sa iyang bag-ong mga paagi padulong sa kaugmaon.
IKADUHANG PAGBASA (2 taga-Corinto 1:18-21)
Si San Pablo mitug-an nga siya lig-on ug makanunayon tungod sa gahum ni Cristo nga anaa kaniya. Ang Dios naglig-on kanato diha kang Cristo kansang panglantaw mao ang hingpit nga pagsugot.
Leave a Reply
You must be logged in to post a comment.